Tempus e esperientzia mi ant
donadu sa capatzidade de isvilupare·mi e de creschere, e in s’interi, de
generare ideas noas e pessamentos dae sos tretos pius profundos. S’isvilupu meu
fiat, e galu oe est, unu caminu chi arrugat tempus e ispatziu, in ue proo
continuamente a allargare sas lŕcanas de sas possibilidades. Ispero petzi chi
sas ňperas meas siant riflessu onestu de custos tentativos. Cun custos pintados apo proadu a interpretare
sas caras de sa vida chi mi ant fatu comente oe so.
A dispetu de
totu sas dificultades meda chi apo
abojadu a pitzinnu, apo imparadu a mantennere unu sensu de dinnidade e de
rispetu pro a mie etotu. Impitu de colores, istrutura e formas mi ant azuadu a
nche bogare a campu espressiones craras dae cuddu talaranu imboligadu chi
faghet sa personalidade e sos pessamentos meos. Finas oe mi bido chei unu
pitzinneddu creschidu, totu cuntentu de sas oportunidades de ponner subra sa
tela sas ideas infinidas chi mi traessant totora sa mente.
Mi agaliat meda
a pintare pessones, culturas e nadura ca non sunt mai istatigas. S'interessu
meu pro sa diversidade de s’ambiente e de sas culturas benit seguramente dae
s’anneu chi totu custu potat unu die iscumparvere pro semper. So proŕnzulu a
interpretare cumportamentos e personalidades, e sos pintados meos sunt
influentzados meda dae sos colores e sos problemos chi los inghiriant. Infatis,
mi piaghet de pius esprimere·mi impitende colores nadurales e istruturas, e
b’at pius satisfassione a impreare erva e ludu imbetze de colores ‘bellitos’ ma sintčticos
e sena vitalidade.
Mi piaghet meda
caminare sighende sas andalas de sos litos e padentes, a mirare sos misteros de
chie b’at e chie bi bivet inie, a abaidare sa richesa de sas istruturas, de
sos ŕrveros e de sas matas, e proo a dare una rapresentatzione pessonale a sa
cumplessidade de sa nadura. In sos pintados meo apo proadu a incorporare custos
misteros, custas cumplessidades e richesas, e ispero de aer fatu traballu 'onu.
E sa filosofia?
In primera est de importu mannu su de connoschere·mi eo etotu pro mi sapidire
de s’impatu chi sas atziones meas ant subra de su mundu e subra de a mie etotu.
‘Causa e efetu’ sunt in coro a custu pessamentu. Eo e no ŕteru so responsŕbile
de sas atziones meas e de sas cunsecuentzias chi custas podent causare. Sos
pintados meos mi azuant a mi esplorare eo etotu, aporrende·mi sa libertade de
faddire e pustis de imparare.
B’at meda chi
poto imparare dae sos anzenos chi non poto faghere a sa sola. Casi totu su chi
isco lu apo imparadu dae sos ŕteros. Custa est una cuntierra mea pessonale e sena
agabu chi apo intro pro běncher sos pregiuditzios e sos ispantos de su chi no
est connotu, e su disizu de connoschere e de cumprendere mezus.
Sos pintados faghent riflessu a custu oriolu. Dia chčrrere lassare calchi cosa cuncreta de a mie in custu mundu goi chi si podat narrer chi inoghe b’apo běvidu finas eo.